Qindra oficerë policie, kishin dalë në detyrë sot në Londër pas paralajmërimeve ndaj protestuesve se do të arrestohen “nëse kalojnë limitet me sloganet dhe pankartat e tyre”.
Qindra demonstrues pro-Palestinë, demonstruan sërish në Londër duke kërkuar ndalimin e luftës së Izraelit dhe duke akuzuar qeverinë britanike për “bashkëpunim” me Izraelin.
Demonstruesit ecën në rrugët kryesore të qendrës, duke u mbledhur në Sheshin e Parlamentit ku disa folës kërkuan ndalimin e gjakderdhjes dhe të shkeljeve të të drejtave të njeriut.
Husam Zomlot, ambasadori palestinez në Londër, tha në protestë se qeveria britanike ishte palë me Izraelin.
Zomlot i tha protestuesve se Palestina është një komb “luftëtarësh të lirisë”.
“Jam këtu me zemër të thyer por jo i mundur në shpirt”.
Ai përgëzonte Afrikën e Jugut, për ngritjen e padisë së gjenocidit kundër Izraelit në Gjykatën Ndërkombëtare të drejtësisë, një çështje që ende vijon të dëgjohet.
Protesta vjen teksa ushtria e Britanisë dhe e SHBA, kanë nisur sulme ajrore në Jemen, kundër rebelëve Huthi.
Kjo pasi sipas tyre grupi rebel ka goditur anije komerciale kalimtare në Detin e Kuq, që prej nisjes së sulit të Izraelit ndaj Hamas në Gaza.
Policia tha se kishte prezencë të gjerë në protestën e sotme me rreth 1,700 oficerë, duke përfshirë dhe forca nga jashtë Londrës.
Në marshimin e sotëm për Palestinën shihej dhe kukulla simbolike e refugjates siriane Amal, e cila do të bashkohet me një grup fëmijësh palestinezë, shkruan rrjeti TheGuardian.
Marioneta 3.5-metra e lartë, është përdorur për marshime sensibilizimi për luftën në Siri.
