Shefi i diplomacisë greke, Nikos Dendias do të vizitojë nesër Shkupin. Sipas agjendës së Qeverisë së Greqisë, Dendias duhet të realizojë takime me kryeministrin, presidentin dhe kryetarin e Kuvendit, ndërsa temë do të jetë zbatimi i deritashëm i Marrëveshjes së Prespës.
Ministri grek Dendais nesër do ta hap edhe temën për mbështetje të mëtejshme të Athinës zyrtare në eurointegrimet e vendit.
Ministri Osmani para disa ditëve vërtetoi se Dendias do ta vizitojë Maqedoninë e Veriut në fund të muajit dhe se bashkërisht do të bëhet vlerësimi i obligimeve që i ka Greqia në raport të zbatimit të Marrëveshjes së Prespës.
