Ish-sekretari i përgjithshëm i Qeverisë, Muhamed Zekiri mbetet në paraburgim, pasi sot Gjykata Themelore Penale – Shkup i caktoi edhe 30 ditë.
Kjo është vazhdimi i dytë i masës së paraburgimit prej 30 ditësh për Zekirin, të cilin Prokuroria Publike, e akuzon për keqpërdorim të pozitës dhe autoritetit zyrtar.
Masa e parë e paraburgimit prej 30 ditësh i është caktuar më 9 prill, ndërsa vazhdimi i parë më 5 maj. Zekiri ka parashtruar ankesë kundër të dy vendimeve, të cilat janë refuzuar.
Prokuroria e akuzon Zekirin se në periudhën nga prilli 2021 deri në janar 2022, në cilësinë e Sekretarit të Përgjithshëm të Qeverisë, pa kryer një prokurim publik, ka lidhur kontrata për shërbime konsulente me një kompani që ka lidhur kontrata për shërbime konsulence me një kompani, kontrata e së cilës ka qenë në vlerë të përgjithshme prej rreth 941 985 euro, që është për rreth 147 000 euro më shumë se 795 000 euro, shumë për të cilën është rënë dakord për shërbime konsulence.
