Gjylymsere Kasapi, nëna e këngëtarit të mirënjohur për publikun shqiptar, Shpat Kasapi është bërë e para shqiptare që zgjidhet në krye të deputeteve gra të Parlamentit të Maqedonisë.
Kasapi është pjesë e partisë fituese të këtyre zgjedhjeve LSDM-së së Zoran Zaev dhe arriti të fitojë një mandat deputeteje në zgjedhjet parlamentare të vendit fqinj.
Gjithashtu, Gjylymserja jep mësim në Universitetin e Shkupit dhe gëzon mbështetje në shoqërinë maqedonase, duke qenë gjithë këto vite e përfshirë në iniciativa me karakter politik e social.
