“Mendoj se pala jonë arriti të shpjegojë argumentet tona, por edhe ne i dëgjuam me vëmendje argumentet e tyre. Ekziston një bazë e mirë në diskutimet e mëtejshme për t’i formësuar këto ide në disa zgjidhje konkrete, të cilat më pas do të përpiqemi t’i vendosim në një paketë që nënkupton një platformë për tejkalimin e dallimeve.
Të dyja palët inkurajohen të ecin përpara, por kemi ende punë për të bërë dhe koha është e shkurtër. Është e rëndësishme si koha, ashtu edhe cilësia e zgjidhjeve, cilësia nuk duhet të jetë sakrificë e kohës, ajo duhet të garantojë qëndrueshmërinë e marrëdhënieve, për të cilat jemi seriozisht të interesuar dhe do të bëjmë çmos për ta bërë këtë“, tha sot Ministri i Punëve të Jashtme Bujar Osmani takohet me homologen e tij bullgare, ministren e Jashtme Teodora Gençovska, e cila këtë fundjavë për vizitë pune në vend.
Osmani është i bindur se zgjidhja që do të arrihet duhet të jetë dinjitoze dhe e pranueshme për të dyja palët dhe nuk duhet të lërë njërën palë të kënaqur e tjetrën jo.
Sipas tij, në bisedimet me Gençovskën ka pasur mjaft atmosferë konstruktive për të bërë përpjekje për të neutralizuar paragjykimet dhe stereotipet dhe për të kuptuar qëndrimet e njëri-tjetrit.
Incidenti që ndodhi në Manastir, nënvizoi Osmani, nuk ka ndikuar në lëvizjen e dinamikës dhe atmosferës së bisedimeve me Gençovskën.
