Tetë shkolla në Mbretërinë e Bashkuar tani janë mbyllur dhe të paktën 18 të tjera kanë dërguar nxënësit në karantinë, pas dy javë udhëtime në Itali e cila është goditur nga koronavirusi.
Shëndeti Publik i Anglisë nuk ka këshilluar që të mbyllen shkollat, por që drejtuesit e tyre të marrin masa pasi disa nga studentët kishin shfaqur simptoma të lehta të ngjashme me gripin, pas kthimit nga Alpet.
Një shkollë fillore në Essex është mbyllur si masë paraprake sot sepse një mësues ishte në Itali me gjysmë mandati – edhe pse punëtori nuk është i sëmurë. Një raport i qeverisë që parashikon se 80 përqind e britanikëve mund të prekeshin nga ky virus, dhe 500,000 mund të vdisnin, doli sot – dhe shefi i mjekësisë së Anglisë, Profesori Chris Whitty, tha se shkollat mund të mbyllen masivisht nëse koronavirus del jashtë kontrollit në Britani.
Mbyllja e shkollave do të detyrojë miliona prindër të qëndrojnë në shtëpi, përfshirë punonjësit thelbësorë shëndetësorë si mjekët, infermierët dhe farmacistët.Ndërsa Qeveria këshilloi të gjithë britanikët që kanë ardhur nga Italia e veriut të izolohen në shtëpi nëse fillojnë të vuajnë nga simptoma të ngjashme me gripin.
Autoritetet në Itali raportuan të martën natën se numri i personave të infektuar në vend u rrit në 322, ose 45 përqind në 24 orë, dhe vdekja e pacientëve me virus u rrit në 11. Austria, Kroacia dhe Zvicra raportuan rastet e tyre të para, ndërsa Spanja dhe Franca regjistruan raste të reja, duke përfshirë gjithashtu njerëz që kishin qenë në veri të Italisë.
