Ministria e Punëve të Brendshme ka njoftuar për një rast të rëndë në të cilin dy të mitur janë përleshur me thika në një hapësirë parkingu.
“SPB Shkup ka ngritur kallëzim penal kundër një të mituri nga Shkupi për shkak të ekzistimit të dyshimit të bazuar në veprën penale “tentativë për vrasje”. Më 27.12.2023 në hapësirën e parkingut në Çair, i denoncuari me mjet të mprehtë i ka shkaktuar lëndime të rënda trupore një të mituri tjetër”, thuhet në kumtesën e MPB-së.
