Është gjithnjë e më e sigurt se vetoja bullgare do të mbetet dhe se rruga jonë drejt BE-së do të ngecë, por se duhet të veprohet me kujdes në lidhje me iniciativat tjera për asociim dhe bashkëpunim ndërmjet vendeve evropiane, tha presidenti Stevo Pendarovski në konferencën e mëngjesit, transmeton InfoShqip.
“Kemi pasur pritshmëri të mëdha vitet e fundit. Kryeministri bullgar Kiril Petkov është një figurë e vetme në skenën politike të Bullgarisë. Për ne, ajo histori ka mbaruar dhe nuk mund të presim një ndryshim në pozicionin e Bullgarisë në lidhje me veton që i ka vënë vendit tonë. Vlerësimi im është se Petkov po përpiqet gjithçka që mundet për të zbutur krahun nacionalist në Bullgari. Në vendin tonë ka pasur një sondazh në të cilin 72% e qytetarëve janë kundër marrëveshjes me Bullgarinë, edhe në kushte të ruajtjes së identitetit tonë“, thotë Pendarovski.
“Pas 20 vitesh bisedime dhe biseda për BE-në dhe NATO-n, me cilën fytyrë do të dalim para qytetarëve dhe do t’u themi se tani do t’i bashkohemi një nisme të re evropiane. “Ne duhet të dimë nëse nisma e Macron vlen për Ukrainën, Gjeorgjinë dhe Moldavinë apo për ne”, tha presidenti Pendarovski./InfoShqip.com
