Presidenti kinez XI Jinping do të marrë pjesë në samitin virtual për klimën i organizuar nga presidenti amerikan Joe Biden. Lajmi u konfirmua nga ministria e jashtme kineze në një moment kur tensionet politike mes dy vendeve mbeten të larta.
Biden ka ftuar 40 udhëheqës botërorë të marrin pjesë në samitin virtual për klimën, i cili do të mbahet praktikisht të enjten dhe të premten. Pranimi i ftesës të Biden erdhi pasi i dërguari special i SHBA për klimën John Kerry udhëtoi në Shangai javën e kaluar për t’u takuar me homologun e tij kinez Xie Zhenhua. Dyshja lëshoi një deklaratë të përbashkët gjatë fundjavës, duke thënë se të dy vendet e tyre “janë të përkushtuara për të bashkëpunuar me njëra-tjetrën”.
Bashkëpunimi midis Shteteve të Bashkuara dhe Kinës është thelbësor për suksesin e përpjekjeve globale për ndryshimet klimatike. Jinping, kërkon një qeverisje globale më të drejtë dhe të arsyeshme. Ai sulmoi disa herë Shtetet e Bashkuara të Amerikës. Dhe pse nuk e përmendi Uashingtonin, presidenti kinez iu referua disa herë SHBA dhe urdhrit aktual botëror.
Ai tha ndër të tjera se rregullat e vendosura nga një apo më shumë vende nuk duhet t’iu imponohen të tjerëve, dhe se nuk duhet të jetë njëanshmëria e vendeve të veçanta ajo që vendos ritmin e botës.
Xi është treguar shumë i qartë për nervozizmin aktual të vendit të tij: “Kinës nuk i pëlqyen aspak kritikat e forta që i janë bërë në nivel ndërkombëtar për çështje që i përkasin sovranitetit të saj si Hong Kong dhe Tajvan. Apo akuzat për krime kundër njerëzimit ndaj etnisë myslimane ujgure,” përfundoi ai.
