Venecia është përfshirë nga përmbytjet më të mëdha në më shumë se 50 vjet, duke lënë të përmbytur pjesën më të madhe të destinacionit turistik, transmeton Gazeta Metro.
Zyrtarët e qytetit thanë që batica arriti deri në 187 cm, 7 cm më pak se në vitin 1966. Shumë nga sheshet historike të qytetit kanë mbetur nën ujë të thellë. Vizitorët u detyruan të bënin rrugën e tyre përgjatë platformave të përkohshme mbi ujë, ndërsa të tjerët mbanin mjete kundër motit të lagësht, që të shpëtonin nga përmbytjet.
Kafenetë, dyqanet dhe bizneset e tjera u përmbytën nga uji i madh, duke bërë që edhe çerdhet të mbyllen si një masë paraprake.
Sheshi i Shën Markut kishte më shumë se një metër ujë, dhe Bazilika e Shën Markut u përmbyt për herën e gjashtë në 1200 vjet, katër nga përmbytjet ndodhën në dy dekadat e fundit.
