Kryeministri Edi Rama nuk e fshehu do zhgënjimin për mos çeljen e bisedimeve dhe me ironi tha se do të vazhdojë rrugën me shpresën se shekullin tjetër të jemi anëtarë
“Sigurisht ne kemi shumë për të bërë. Unë mendoj që ne kemi bërë dhe bëmë tashmë për të mbështetur idenë e presidentit Macron për objektiv që është politik e strategjik i dëshiruar moralisht që është Komuniteti i Ri Politik Europian dhe sigurisht ne do të vazhdojmë rrugën tonë drejt anëtarësimit me shpresën që shekullin tjetër të jemi anëtarë duke u përballur me një Bullgari këtu, Bullgari atje, një Bullgari të tretë gjatë rrugës.
Do ta vlerësonim shumë nëse ky komunitet i ri i europës ngrihet për të qenë bashkë në një shtëpi të përbashkët, si familje e vetme, pavarësisht se jemi në kate të ndryshme së paku në dhomën e ndenjes të jemi së bashku.”
Sipas Ramës nuk është thjesht Bullgaria
“Bullgaria është fatkeqësi, por fryma e deformuar e zgjerimit. Një frymë tërësisht e deformuar. Ka kaluar nga vizioni i përbashkët i një komuniteti tek marrja peng nga shtetet individuale. Çështja e Bullgarisë është turp!
…Ju lutem mos e lini BE të bëhet një kongregacion priftërinjsh që diskutonin asokohe seksin e ëngjëjve ndërkohë muret e Konstandinopojës shembeshin…”, tha Rama.
