Kryeministri shqiptar Edi Rama vlerësoi se Moska po nxit konfliktin në Ballkan dhe po rrezikon paqen e brishtë, duke pretenduar se Rusia do të ishte e kënaqur nëse diçka do të lëvizte në drejtim të konfliktit në rajon, transmeton InfoShqip.
“A keni dëgjuar sa herë Putin e përmend Kosovën në fjalimet e tij? Ai vazhdon të përsërisë: “Kosovë, Kosovë, Kosovë”.
Rama thotë se simpatia për Moskën është e fortë në Serbi dhe Republika Srpska.
“Tetëdhjetë për qind e serbëve ortodoksë mendojnë pozitivisht se Putini thjesht po i tregon dhëmbët Perëndimit në Ukrainë, nëse mund ta thoni këtë”, shtoi Rama.
Ai gjithashtu thekson se banorët e rajonit janë të ndarë në ata që janë kundër Putinit dhe ata që e mbështesin atë. Kryeministri i Shqipërisë përsëriti fjalët e tij të mëparshme se “vendimi për pavarësinë e Kosovës është i saktë”.
“Në fund të ditës tashmë ka një proces paqeje dhe pajtimi, megjithëse ky proces do të marrë shumë kohë”, tha Rama.
Ai gjithashtu beson se “ka një ndarje të thellë mes popullatës malazeze dhe serbe në Mal të Zi”, por shtoi se është mirë që ekziston Ballkani i Hapur.
“Kohët e fundit ka pasur zhvillime inkurajuese në Ballkan. Prandaj dua që Serbia, Shqipëria dhe Mali i Zi të krijojnë një lloj mini-zone Shengen për shkëmbim më të mirë”, tha Rama./InfoShqip.com
