Kur Lucas u diagnostikua me një tumor të rrallë të trurit në moshën gjashtë vjeçare, nuk kishte asnjë dyshim për këtë prognozë. Mjeku francez Jacques Grill iu desh t’u tregonte prindërve të tij se djali i tyre do të vdiste. Por shtatë vjet më vonë (Lucas tani është 13) tumori është zhdukur.
Fëmija nga Belija u bë fëmija i parë në botë që u shërua nga një kancer shumë agresiv – glioma e trungut të trurit. “Lucas mundi të gjitha shanset për mbijetesë,” tha Grill nga qendra e kancerit Sustave Rouccy në Paris, raporton AFP. Glioma difuze e brendshme pontine (DIPG) diagnostikohet në rreth 300 fëmijë çdo vit në Shtetet e Bashkuara dhe rreth njëqind në Francë.
Perspektivat e mbijetesës për fëmijët me këtë lloj kanceri janë shumë të dobëta – shumica nuk jetojnë as një vit pas diagnostikimit. Një studim i fundit zbuloi se vetëm 10 për qind mbijetojnë dy vjet më vonë. Radioterapia ndonjëherë ka arritur të ngadalësojë zhvillimin e këtij tumori agresiv dhe asnjë ilaç nuk është treguar ende të jetë efektiv.
Rasti i parë i tillë
Lucas dhe familja e tij udhëtuan nga Belgjika në Francë, në mënyrë që ai të mund të ishte një nga pacientët e parë të përfshirë në studimin BIOMEDE, i cili po teston ilaçe të reja të mundshme për DIPG. Lukas që në fillim ka reaguar ashpër ndaj ilaçit kundër kancerit, që i jepej me ndërprerje. “Gjatë një sërë skanimesh MRI, pashë që tumori të zhdukej plotësisht,” tha Grill.
Mjeku nuk vendosi të ndërpresë trajtimin deri para një viti e gjysmë, kur Lucas tha se nuk po merrte më mjekimin gjithsesi. “Unë nuk di ndonjë rast tjetër si ky në botë,” tha Grill.
Ende nuk është plotësisht e qartë pse Lucas u shërua plotësisht dhe se si rasti i tij mund të ndihmonte fëmijë të tjerë si ai. Shtatë fëmijë të tjerë që morën pjesë në provë gjithashtu mbijetuan disa vjet pas diagnozës, por vetëm te Lucas tumori u zhduk plotësisht.
“Arsyeja pse këta fëmijë iu përgjigjën medikamenteve ndërsa të tjerët jo, është ndoshta me natyrë biologjike. “Tumori i Lucas kishte një mutacion shumë të rrallë që ndoshta i bëri qelizat shumë më të ndjeshme ndaj ilaçit,” tha Grill.
“Rasti i Lucas ngjall shpresë”
Shkencëtarët tani po studiojnë anomalitë gjenetike në tumoret e pacientëve, si dhe zhvillimin e “organoideve” tumorale, qeliza të prodhuara në laborator. “Rasti i Lucas ngjall shpresë të vërtetë. Ne do të përpiqemi të riprodhojmë in vitro dallimet që kemi identifikuar në qelizat e tij”, tha Marie-Anne Debilly, e cila mbikëqyr punën në laborator.
Ekipi posaçërisht dëshiron të riprodhojë specifikat e reja gjenetike në organoidet për të parë nëse ata mund ta shkatërrojnë tumorin në mënyrë aq efektive sa ndodhi te Lucas. “Nëse kemi sukses në këtë, atëherë do të përpiqemi të gjejmë një ilaç që ka të njëjtin efekt në qelizat e tumorit”, tha Debili.
