Cristiano Ronaldo ka vendosur të sqarojë edhe një herë të ardhmen e tij, derisa aktualisht luan te Juventusi.
Ylli portugez ka thënë se ai nuk e ka planifikuar largimin e Zonjës së Vjetër, ndërsa dëshiron të fitojë Scudetton e tretë në karrierë.
Pesë herë fituesi i Topit të Artë e fitoi mbrëmë zyrtarisht Serie A-n me Juventusin, gjersa nuk do të largohet nga torinezët së paku edhe për një sezon.
“I lumtur që kam fituar dy nga nëntë tituj radhazi të skuadrës në Serie A”, ka thënë Ronaldo.
“Duket sikur lehtë, por nuk është! Vit pas viti, me talent, përkushtim dhe punë të madhe, ia arrijmë qëllimet! Le të shkojmë për Scudetton e tretë”, ka shtuar më tej 35-vjeçari.
Ronaldo në këtë edicion të ligës italiane shënoi 31 gola, duke mbetur mbrapa Ciro Immobiles që kishte pesë më shumë.
