Ronaldo Sharka: ‘Efi është në finale prej situatave me Luizin dhe Kiarën’

Marrëdhënia e Ronaldos dhe Efit u kris pas rikthimit të tyre në ‘Big Brother’ e duket se nuk ka më kthim pas. Shkak u bënë debatet e Kiarës me Efin, për të cilat Ronaldo mbajti anën e Kiarës. Gjë e cila nuk u prit mire nga Efi.

I ftuar sot në “Wake Up”, Ronaldo tha se arsyeja pse Efi ka shkuar në finale janë debatet që ka bërë me Luizin. Madje kurioziteti për një miqësi të prishur, është më i madh për publikun, sesa ndonjë marrëdhënie tjetër dhe kjo gjë e ka favorizuar më shumë atë.

“Nëse Efi do futej në shtëpi, do vazhdonte marrëdhënien e saj shoqërore me Luizin, ok, bukur, fansat do e pëlqenin, por asgjë më tej. Pra Efi është në finale për shkak të situatës që u krijua me Kiarën, për shkak të situatës që u krijua me Luizin, sepse publiku vazhdon tani, dreqi ta hajë ka kuriozitet. Është kurioziteti më i madh në një marrëdhënie shoqërore të prishur sesa ndonjë marrëdhënie, për shembull Dea-Efi, një hakmarrje që nuk ka më vlerë sepse ka dy muaj.”

I pyetur nëse mendon që Luizi e bëri faktor dhe i dha ai finalen, moderator tha:

“Tani Luizi këtë thotë, unë këtë kam besuar që në fillim, sepse duke marrë parasysh që është një lojtar që vë re çfarëdo lloj detaji dhe nuk i shpëton asnjë lloj gjëje, Luizi është shumë i vetëdijshëm që nëse ai do të debatonte me Efin, kjo gjëja do e fuqizonte në prime dhe do i jepte rëndësi. Nëse nuk do krijonte këtë debat, pra ngjarjet të cilat Efi do të kishte në shtëpi, nuk do e favorizonin.”


PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu