Cristiano Ronaldo vazhdon të thyejë çdo rekord në futbollin evropian. Sulmuesi portugez është njëri nga golashënuesit më të mëdhenj në histori të futbollit dhe këtë e ka dëshmuar tash e disa vite, shkruan InfoShqip.com
Golat e shumtë të shënuara me skuadrat e tij kanë bërë që Ronaldo të arrijë shumë rekorde botërore. Një i tillë është edhe ky i sotmi (e shtunë), të cilin e ka arritur portugezi me golin e shënuar në Serie A ndaj Genoas.
Me këtë gol, Ronaldo ka arritur në shifrën e 400 golave në pesë ligat kryesore evropiane duke u bërë i pari lojtar që arrin këtë rekord.
Ylli portugez në kohën e kaluar te Manchester Unitedi ka shënuar plot 84 herë në Ligën Premier. Diferenca e golave të Ronaldos u bë te Real Madridi, pasi nga 292 ndeshje në La Liga, portugezi tundi rrjetën plot 311 herë.
Në anën tjetër me fanellën e Juventusit deri më tani ka shënuar pesë gola në Serie A.
Lojtari i vetëm që e ndjek portugezin është rivali i tij i përjetshëm Lionel Messi, i cili ka shënuar 389 gola me Barcelonën në La Liga. /InfoShqip.com
