Arsimtarët dhe banorët e fshatit shqiptarë të Krushevës, ka nisur në nismë për ta renovuar dhe zgjeruar hapësirën e shkollës. Bëhet fjalë për fshatin Nerovë, ku mësojnë rreth 150 nxënës nga parashkollorja deri tek klasa e nëntë, por hapësira është tepër e ngushtë, njofton agjencia e lajmeve INA.
Në kushte tepër të vështira dhe mungesë të ambienteve të përshtatshme, arsimtarët bëjnë pauzë në korridorin e shkollës. Klasat ku mësojnë nxënësit janë tepër të dëmtuara dhe nuk kanë asgjë tjetër përpos shkumësit.
Në mungesë të mbështetjes së Komunës dhe institucioneve qëndrore, ky fshat kërkon ndihmën e biznesmenëve shqiptarë, diasporës shqiptare, bashkëfshatarëve dhe të gjithë njerëzve që kanë mundësi për të ndihmuar për të krijuar kushte normale për vijimin e mësimit.
Ministri i Arsimit, Jeton Shaqiri kohë më parë e ka vizituar shkollën dhe është njoftuar me kushtet e rënda. Ai ka thënë se mund të aplikojmë me projekt për zgjerim por problemi është që fshati nuk ka plan detal urbanistik që të mundët komuna të aplikoje me projekt adekuat.
Lidhur me këtë në uebfaqen e fshatit Nerovë, ata kanë posutuar edhe apelin për ndihmë:
“Në dritën e nevojës për një arsim cilësor dhe mjedis më modern, kemi nisur një projekt të rrenovimit apo zgjerimit të shkollës sonë. Kjo iniciativë synon të sjellë ndryshime të rëndësishme në infrastrukturën shkollore, duke krijuar një ambient të përshtatshëm për zhvillimin e aftësive dhe dijes së nxënësve tanë.
Me pjesëmarrjen dhe mbështetjen tuaj, mund të ndërtojmë një tjetër kapitull në historinë e shkollës sonë. Ndihma juaj është e çmuar për të bërë ndryshime thelbësore që do të reflektojnë në cilësinë e arsimit dhe mirëqenien e komunitetit tonë.
Ftojm të gjithë ata të cilët kanë shpreh interes për të ndihmuar në rrenovimin e shkollës duke filluar nga mësues, profesorë, polic, ushtarë të gjithë ju bashkëfshatar dhe në veçanti edhe ju nga diaspora që të na mbështetni në këtë projekt të madhë dhe për të ardhmen e çdo njërit.
Një thënie thotë: “Edukata është arma më e fuqishme, të cilën ne mund t’a përdorim për të ndryshuar botën,” thuhet në njoftim.
Përveç shkollës fillore të fshatit Norovë, edhe në shkollat tjera të kësaj komunë kushtet janë të ngjashme.
Sipas mësuesve, që nga viti 2004 në shkollat e fshatrave shqiptare të Krusheves nuk është investuar aspak.
Ndërkohë, mbi 450 nxënësve shqiptarë ndjekin mësimin në gjuhën shqipe në tre shkolla periferike të komunës së Krushevës. /INA/
FOTO
