Rriten kërkesa për azil në BE, këto janë pesë kombësitë që kryesojnë

65.105 persona nga vendet e treta kërkuan mbrojtje ndërkombëtare në Bashkimin Europian, 89 për qind më shumë se në të njëjtën periudhë të vitit 2021, kur u regjistruan 33.385 kërkesa për azil.

Sipas Zyrës Evropiane për Statistikat, Eurostat, numri i kërkesave për azil të paraqitura në maj është rritur me 17 për qind krahasuar me muajin e kaluar, kur u regjistruan 54.145 aplikantë, raporton SchengenVisaInfo.com.

Rritja prej 17 për qind e vërejtur në aplikimet për azil në maj mund të lidhet me rritjen e aplikantëve për herë të parë.

Më konkretisht, 32 për qind më shumë shtetas venezuelianë aplikuan për azil në BE, duke rritur shifrat nga 3.655 në 4.820, ndërsa rritja e aplikantëve për herë të parë të paraqitur nga shtetas sirianë u rrit nga 6.485 në 8.025, që përfaqëson një rritje prej 24 për qind dhe gjithashtu përfaqëson grupin e kombësisë me numrin më të lartë.

Afganët dhe venezuelianët pasuan me 7.695 dhe 4.820 aplikime, ndërsa kolumbianët dhe pakistanezët paraqitën përkatësisht 3.535 dhe 2.890 aplikime në maj.

Në maj 2022, sirianët ishin grupi më i madh i personave që kërkonin azil (8 025 aplikantë për herë të parë). Ata u pasuan nga afganët (7 695), përpara venezuelianëve (4 820), kolumbianët (3 535) dhe pakistanezët (2 890).

“Në mars 2022, pati një rritje të madhe të aplikantëve ukrainas për azil për herë të parë (nga 2 370 në shkurt në 12 885 në mars) për shkak të agresionit ushtarak të Rusisë kundër Ukrainës. Megjithatë, shifrat u ulën në 1 510 dhe 1 295 përkatësisht në prill dhe maj 2022”, shpjegon Eurostat.

Më shumë aplikantë të mëvonshëm u regjistruan në maj, me numrat që arritën në 6.280 – 20 për qind më shumë krahasuar me 2021 dhe 13 për qind më shumë se në prill të 2022.


PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu