Presidenti rus, Vladimir Putin, i konsideron si “sukses kuptimplotë” marrëdhëniet turko-ruse në përshëndetjet e tij të Vitit të Ri homologut të tij turk, raporton Anadolu Agency (AA).
Sipas uebfaqes së Kremlinit, Recep Tayyip Erodğan, ishte homologu më i kontaktuar për Vladimir Putin në vitin 2019.
Në fjalimin e tij të botuar në uebfaqen e Kremlinit, Putini theksoi se Turqia dhe Rusia “kanë arritur sukses të konsiderueshëm në zbatimin e projekteve strategjike të dobishme reciproke, përfshirë energjinë dhe bashkëpunimin ushtarak dhe teknik”.
Ai tha se në vitin 2019 të dy vendet përshkruan “zona të reja të mundshme për zhvillimin e lidhjeve tregtare ruse-turke”.
Putin shtoi se “Moska dhe Ankaraja bashkëpunuan ngushtë në luftën kundër terrorizmit në Siri dhe së bashku ndihmuan fillimin e procesit të zgjidhjes politike në vend”.
Sipas deklaratës, “viti i ardhshëm do të shënojë 100 vjetorin e marrëdhënieve diplomatike midis Rusisë dhe Turqisë dhe shprehu besim se kjo datë e rëndësishme do të shënohet nga arritje të reja në zhvillimin e bashkëpunimit dypalësh”.
Këtë vit, Recep Tayyip Erodğan dhe Putin u takuan shtatë herë në format bilateral dhe tre herë në multilateral, dhe zhvilluan 12 bisedime telefonike.
Në vitin 2019, Turqia dhe Rusia përfunduan dy projekte të mëdha, kontratën për shpërndarjen e sistemit të mbrojtjes ajrore S-400 dhe ndërtimin e gazsjellësit Rrjedha Turke.
