Në dyvjetorin e pushtimit rus të Ukrainës dhe në përgjigje të vdekjes së liderit të opozitës ruse Alexei Navalny, Shtetet e Bashkuara të premten kanë sanksionuar më shumë se 500 individë dhe kompani në Rusi dhe pjesë të tjera të botës, duke përfshirë Serbinë, raporton Zëri i Amerikës.
Dy individë dhe katër kompani serbe ishin pjesë e sanksioneve për lidhjet e tyre me Rusinë.
Dragan Dragash (i lindur më 1982) thuhet se përfaqëson rrezik dytësor për sanksione sepse “ka punuar ose po punon në sektorin e ekonomisë të Federatës Ruse me qëllim të mbështetjes së ushtrisë ruse”.
E njëjta arsye u dha edhe për Marko Svorcanin (i lindur më 1967).
Në njoftimin e Sekretariatit për Financa, thuhet se në shënjestër të sanksioneve, përveç kompanive ruse, janë edhe kompani nga vende të treta, përfshirë Kinën, Serbinë, Emiratet e Bashkuara Arabe dhe Lihtenshtajnin.
Qëllim i sanksioneve është të mohojnë burimet që i duhen Rusisë për luftën kundër Ukrainës, duke përfshirë parandalimin e shmangies së sanksioneve. Për këtë dyshohen edhe katër kompani serbe “Kominvex DOO Belgrade”, “Goodforwarding DOO Belgrade”, “Research and Development Company TR Industries” dhe “Soha Info DOO Novi Banovci”.
