Kryetari i Bashkisë së Shkupit, Petre Shilegov, në një emision në Alsat-M, tha se nuk do ta largojë përmendoren e UÇK-së në Çair, pasi Bashkia e Shkupit është kompetente në këtë rast.
Ai shtoi se ky rast nuk është i njëjtë me atë të përmendores së Qoses, e cila para disa ditëve u largua nga kompetentët.
“Bashkia e Shkupit këtu nuk do të prekë. As nuk është paraqitur si investues, as si vendosës, për këtë arsye nuk mund të thuhet se është e njëjtë me largimin e përmendores së Qoses. Kjo është punë e organeve komunale në Çair dhe Ministrisë së Transportit dhe Lidhjeve”, tha Shilegov.
