Në afërsi të një stacioni të policisë në qarkun Bahçelievler të Stambollit ka ndodhur një shpërthim, raporton AA.
Sipas informacioneve të marra, shpërthimi ka ndodhur rreth orës 15:50 sipas kohës lokale në afërsi të stacionit policor ”75. Yıl”, për të cilin ende nuk dihet shkaku. Ndërtesat dhe automjetet përreth u dëmtuan si pasojë e shpërthimit.
Pas shpërthimit një numër i madh ambulancash dhe ekipeve policore janë dërguar në rajon. Ekipet e policisë kanë ndërmarrë masat e sigurisë ndërsa disa qytetarë të plagosur janë dërguar në spital.
Ende po punohet në zbardhjen e shkakut të shpërthimit.
