Këshilli i Evropës do ta zgjedhë më 15 nëntor raportuesin për Kosovën ku në mesin e kandidatëve është edhe rusi Aleksey Kondratyev, që dyshohet të ishte spiun i Rusisë konfirmoi paragjykimet e tij dhe animin e tij duke thënë vlerësuar se shqiptarët nuk janë të gatshëm për bashkëpunim, transmeton Gazeta Metro
Kondratyev, që është anëtari i Asamblesë Parlamentare të Këshillit të Evropës ka thënë për Sputnikun se kundërshtimi i Prishtinës për zgjedhjen e tij nuk ishte gjë e re dhe se mentaliteti shqiptar i Kosovës duhet të kuptohet para së gjithash, njofton Klan Kosova.
Ai tha se që nga hyrja e njësisë ruse në KFOR në territorin e Kosovës, shqiptarët kanë qenë shumë negativë për rusët dhe kanë treguar në çdo mënyrë që ata nuk janë të gatshëm për dialog dhe bashkëpunim.
Gjatë ditës së mërkurë, një grup i gjerë i organizatave të shoqërisë civile kanë përkrahur një letër të hapur, dërguar për Këshillin e Evropës, ku bëhet thirrje që rusi Alexei Kondratiev të mos zgjidhet si Raportues për Kosovën, për shkak të veprimeve të tij të mëhershme në shkelje të të drejtave të njeriut.
Në letrën e hapur publike thuhet se shprehja e tij, në terma ksenofobie për Kosovën gjithashtu përmendet në letër si argument kundërshtues.
Letra e përkrahur nga mbi 40 organizata i është dërguar Sekretares së Përgjithshme të Këshillit të Evropës, Presidentes së Asamblesë Parlamentare dhe Komitetit për Çështje Politike dhe Demokraci.