Numri i personave të infektuar me koronavirus në Serbi është rritur me shpejtësi në ditët e fundit, kështu që 254 raste të reja të infeksionit dhe tre vd ekje janë regjistruar në 24 orët e fundit.
Ka 1.312 pacientë në spital dhe 31 pacientë në respirator, ndërsa që nga fillimi i epidemisë, 14.046 raste të infeksionit janë konfirmuar në mesin e gjithsej 385.173 të testuar, sipas mediave serbe. Situata është e vështirë në Novi Pazar, ku ka më shumë se njëqind pacientë me një pamje të rëndë klinike. Drejtori i spitalit në Novi Pazar, Meho Mahmutović, tha se brenda një kohe të shkurtër kishte një fluks të madh të pacientëve serioz dhe shtoi se problemi nuk ishte mungesa e burimeve mjekësore, por mungesa e personelit mjekësor. Ushtria po vendos tenda rreth spitalit përpara reparteve paliative dhe pulmonare. Punëtorët e mjekësisë, mjekët, drejtuesit e autoambulancave po harxhojnë energji, sipas RTS.
Pamjet dhe fotot e postuara në Facebook nga qytetarët tregojnë skena vërtet tronditëse. Një video madje tregon një tabelë me një numër të madh të çertifikatave të vd ekjes.
Selia e krizave për të luftuar përhapjen e koronavirusit do të takohet sot dhe pritet të prezantojë masa të reja shtrënguese për shkak të përhapjes së numrit të të infektuarve.
Sipas njoftimeve, puna e restoranteve, kafeneve dhe klubeve të natës ka shumë të ngjarë të jetë e kufizuar. Është gjithashtu e mundur që maskat, përveç transportit publik, të jenë të detyrueshme në ambiente të mbyllura. Kryeministri Ana Brnabic njoftoi të Dielën se masat me shumë mundësi nuk do të zbatohen për tërë Serbinë, por për qytetet dhe komunat individuale.
