Ka përfunduar takimi në Tiranë mes kryeministrit të Shqipërisë, Edi Ramës dhe krerëve të partive politike shqiptare në Maqedoni. Pas takimit, kreu i ASH-së, Arben Taravari, deklaroi se takimi ka qenë më shumë si darkë për fillimin e vitit të ri.
Ai theksoi se në takim është diskutuar për sfidat që i presin dy vendet tona në rrugëtimin drejt BE-së dhe se ka siguruar kryeministrin e Shqipërisë se nuk ka asnjë parti shqiptare që është kundër integrimit të vendit në BE dhe me këtë edhe pro ndryshimeve kushtetuese.
Taravari nuk ka dashur të komentojë mospjesëmarrjen e liderit të Lëvizjes Besa, duke e quajtur si diçka personale.