Treguesit e frikshëm, si po degradon Egjipti nën Sisin

Nën sundimin e një diktature ushtarake të udhëhequr nga Sisi, marrë pushtetin me grusht shteti nën mbështetje amerikane, Egjipti ka regjistruar prirje negative pothuajse në të gjitha drejtimet. Portali arab “Arabi21” ka publikuar një seri të dhënash mbi tendencat negative sociale dhe ekonomike në Egjipt për vitin 2019.

Ndërsa numri i martesave zvogëlohet, rritet numri i shkurorëzimeve. Sipas statistikave nga agjensia shtetërore e statistikave egjiptiane, në vitin 2019 numri i shkurorëzimeve u rrit në 2.2, për çdo 1 mijë martesa, krahasuar me 2.1 në vitin 2018. Në të njëjtën kohë, numri i martesave deri në qershor 2019 u ul me 25.4%.

Statistikat zyrtare thonë se në vitin 2019, 34% e grave të martuara ishin të ekspozuara ndaj dhunës nga burrat, ndërsa 7% ishin të ekspozuar ndaj një forme të dhunës fizike ose seksuale në transportin publik dhe 10% në rrugë.

Këshilli Kombëtar për të Drejtat e Fëmijëve në Egjipt ka njoftuar se dhuna ndaj fëmijëve në shkollë dhe familje është rritur me 93%. Hani Hilal, presidenti i Aleancës për të Drejtat e Fëmijëve, tha se viti 2019 ishte viti më i keq në Egjipt kur bëhet fjalë për abuzimin seksual të fëmijëve.

Fondi Egjiptian Anti-Addict raportoi se përqindja e të varurve në Egjipt është më e lartë se mesatarja botërore, në 9%, ndërsa ajo botërore është 4%.

Numri i vjedhjeve, grabitjeve dhe përdorimi i armëve ka qenë i frikshëm, duke rezultuar në një numër të shtuar vrasjesh dhe përdhunimesh.

Ndërsa numri i të papunëve po rritet vazhdimisht. Sipas Bankës Botërore, numri i njerëzve të varfër në prill 2019 ishte 60% e popullsisë së përgjithshme.

Instituti Arab për Mbështetjen e Shoqërisë Civile dhe të Drejtave të Njeriut ka dokumentuar 101 raste vetëvrasjeje në muajt mars, prill dhe maj.

Sociologu egjiptian Muna Ibrahim beson se “ambiciet e rinisë egjiptiane janë më të mëdha sesa mundësitë sociale dhe familjare. Situata e vështirë sociale në të cilën ndodhen krijon një presion të jashtëzakonshëm psikologjik që krijon emocione negative, gjë që në disa raste rezulton në paqëndrueshmëri psikike dhe një kthesë drejt dhunës.

Zhgënjimi, dëshpërimi dhe pashpresa, me presion në rritje të jetës, detyrojnë prindërit të angazhohen në luftën spazmatike për mbijetesë, duke rezultuar në neglizhencën e rolit të prindërve të tyre, dhe këta fëmijë kalojnë në neglizhencë shoqërore dhe të paqëndrueshme.

“Nëse kemi gra dhe nëna të paqëndrueshme, nëse kemi humbur rininë, nëse ata shkojnë deri në vetëvrasëse për vuajtjet e tyre shoqërore dhe padrejtësinë sociale, nëse trupat e fëmijëve janë të pambrojtur – ku po shkon kjo shoqëri? Si mund të presim një të ardhme më të mirë për një shoqëri, themelet e së cilës janë shkatërruar plotësisht?”, u shpreh ai.

Abdel Fattah al-Sisi, erdhi në pushtet pak vite më parë, duke rrëzuar dhunshëm të zgjedhurit demokratikisht me vota Muhamed Mursi. Ky i fundit ndërroi jetë në burg pak muaj më parë, pasi Sisi, dikur vartës i tij si gjeneral, e çoi në burg duke e gjykuar së bashku me shumë përkrahës të tij politikë. /tesheshi.com/

data-full-width-responsive="true">

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu