Prodhuesi turk i dronëve Bayraktar i ka dhënë Lituanisë një dron Bayraktar TB2, në mënyrë që droni t’i dhurohet Ukrainës për ta ndihmuar atë në luftën kundër Rusisë.
Firma e Stambollit tha se do të dhuronte dronin TB2, i cili ka krahë që hapen deri në 12 metra dhe mund të arrijë në lartësi deri nësi deri në 25,000 këmbë, pasi Lituania i depozitoi kompanisë fondet e mbledhura posaçërisht për të blerë një dron për Ukrainën.
Megjithatë prodhuesi turk e ofroi dronin falas me kushtin që fondet të jepen në formën e ndihmave humanitare për Ukrainën, shkruan BBC.
Droni TB2 ka rezultuar shumë i suksesshëm në shenjëstrimin dhe shkatërrimin e sistemeve të artilerisë ruse dhe tankeve gjatë luftës tre-mujore në Ukrainë.
“Është një pushtim i paligjshëm, kështu që TB2 po ndihmon popullin e nderuar të Ukrainës të mbrojë vendin e tyre,” tha ekzekutivi i Baykar Selcuk Bayraktar për Reuters muajin e kaluar.
Shefi ekzekutiv i Baykar Selcuk Bayraktar është martuar me vajzën e presidentit turk Rexhep Tajip Erdogan, i cili vazhdon veprojë si ndërmjetës në çdo negociatë paqeje midis Rusisë dhe Ukrainës.
