Në afërsi të bregut verior të Turqisë në Detin e Zi janë raportuar sulme me dronë ndaj tre tankerëve, njoftoi agjencia detare turke Tribeca.
Tankeri “James II”, që lundron nën flamurin e Palaut, është sulmuar rreth 80 kilometra në veri të zonës Turkeli në Detin e Zi. Ndërsa tankerët “Altura” dhe “Velora”, që lundrojnë nën flamurin e Sierra Leones, janë sulmuar në të njëjtën zonë gjatë operacioneve të transferimit të ngarkesës.
Sipas Tribeca-s, anije turke janë dërguar në vendin e incidentit për të ndihmuar. Nga sulmet nuk ka të lënduar mes anëtarëve të ekuipazhit dhe tankerët ndodhen në gjendje të mirë.
Portet dhe tankerët janë objektiva të shpeshta të sulmeve nga Moska dhe Kievi që nga fillimi i pushtimit rus të Ukrainës para më shumë se katër vitesh. Deri më tani, as Rusia dhe as Ukraina nuk janë deklaruar lidhur me incidentet.
Edhe Ministria turke e Transportit nuk ishte e disponueshme për koment, pasi incidentet ndodhën gjatë festës myslimane të Kurban Bajramit.
