Komisioni Rregullator për Energjetikë, Shërbime të Ujit dhe Menaxhim të Mbeturinave Komunale i Republikës së Maqedonisë së Veriut ka marrë vendim për uljen e çmimeve me pakicë të derivateve të naftës mesatarisht për 3,84%, krahasuar me vendimin e 26 majit 2026 njofton INA.
Sipas Komisionit, çmimet referente të derivateve në tregun botëror kanë shënuar rënie. Benzinat janë ulur mesatarisht për 10,867%, dizeli për 10,622%, vaji ekstra i lehtë për 10,136%, ndërsa mazuti për 8,238%. Në të njëjtën kohë, kursi i denarit kundrejt dollarit është rritur për 0,0272%.
Me vendimin e ri:
Çmimi i EURODIZEL (D-E V) ulet për 6,50 denarë për litër.
Çmimi i vajit ekstra të lehtë për amvisëri (EL-1) ulet për 6,50 denarë për litër.
Çmimet e benzinave EUROSUPER BS-95 dhe EUROSUPER BS-98 rriten për 0,50 denarë për litër.
Çmimi i mazutit M-1 NS ulet për 3,238 denarë për kilogram dhe do të kushtojë 47,906 denarë/kg.
Në këtë përllogaritje është marrë parasysh edhe ulja e akcizës prej 2 denarësh për litër për dizelin dhe benzinat.
Çmimet maksimale të reja nga 2 qershori 2026, ora 00:01.
EUROSUPER BS-95
88,00 den/l
EUROSUPER BS-98
90,00 den/l
EURODIZEL BS (D-E V)
85,50 den/l
Vaj ekstra i lehtë EL-1
87,50 den/l
Mazut M-1 NS
47,906 den/kg
Komisioni thekson se këto janë çmimet maksimale të lejuara, ndërsa tregtarët me shumicë dhe pakicë mund t’i shesin derivatet edhe me çmime më të ulëta se ato të përcaktuara.(INA)
