Në seancën konstituive të Parlamentit dje nga gjyqësia ishin të gjithë: prokurori publik Marko Zvrlevski, kryetari i këshillit gjyqësor Zoran Karaxhovski, i këshillit të prokurorëve publik, Petar Anevski, ushtrues detyre kryetare e Gjykatës së Lartë Snezhana Bajlozova, transmeton TetovaSot.
Prokurorja speciale publike, Katica Janeva ishte bartësi i vetëm nga radhët e funksioneve më të larta shtetërore që nuk ishte prezent në seancën e djeshme për konstituimin e Parlamentit të ri. Janeva dhe PSP vitin e kaluar e kanë votuar Parlamenti, me marrëveshjen e liderëve të katër partive më të mëdha politike.
Nga PSP thuan se Janeva as që ka marr ftesë nga kryesuesi i seancës, Trajko Velanoski. Po të ftohej, me siguri do të merrte pjesë, thanë nga Prokuroria Speciale Publike.
Nga kabineti i Velanoskit sqaruan se ftesat gjithmonë shkruhen dhe dërgohen sipas listës preseance, e cila është miratuar me vendim qeveritar. Ndryshimi i fundit i preseancës listës së bartësve të funksioneve publike është kryer në vitin 2013. Paraprakisht, qeveria ka bërë ndryshime në vitin 2004.
