Kryeministri Edi Rama do të vizitojë sërish Beogradin.
Një fakt të tillë e bëri me dije homologu i tij serb, Aleksandër Vuçiç. Ai tha se e kishte njoftuar zv/Presdientin amerikan për takimin që do të mbajë së shpejti me kryeministrin Edi Rama si dhe një me grupe investorësh nga Serbia, Kosova e Shqipëria.
Ai shtoi se në të shkuarën shqiptarët dhe serbët kishin bërë gabime në raport me njëri-tjetrin, duke theksuar se gjëja më e rëndësishme është një e ardhme e paqtë. Deklaratat Vuçiç i bëri gjatë konferencës për shtyp me Zv/Presidentin amerikan, Joe Biden, ku një prej temave kryesore të diskutimeve mes tyre ka qenë marrëdhëniet mes shqiptarëve dhe serbëve.
