Linja Beograd-Prishtinë është një ndër çështjet shumë të rëndësishme që është biseduar gjatë dhe është gjetur një zgjidhje kompromisi mes dy shteteve.
Kështu po e cilëson presidenti serb, Aleksandar Vucic, i cili po thotë se linja e re Prishtinë-Beograd, nuk mund të konsiderohet nga askush se Serbia ka njohur pavarësinë e Kosovës me këtë veprim.
“Jam mirënjohës për energjinë dhe mundin nga Grenell dhe O’Brojan, nuk do të jehte e lehtë as për ne e as për amerikanet që ta bëjmë të gjithë këtë, jam mirënjohës edhe për interesimin e Presidentit Trump”, ka thënë Vucic në Davos.
Vucic ka thënë se do të jetë shumë e vështirë të arrihet ndonjë marrëveshje rreth kësaj çështje, ai ju ka adresuar edhe qytetarëve duke ju thënë se sa e rëndësishme e të vështira janë bisedimet dhe marrëveshjet me Kosovën.
“Do të jetë shumë e vështirë të arrihet çfarëdo marrëveshje rreth kësaj çështje, dua që qytetarët ta dinë se sa është e rëndësishme dhe e vështirë”, tha Vucic.
Marrëveshja e arritur për kthimin e linjës ajrore ndërmjet Kosovës dhe Serbisë, ka bërë që edhe Këshilli Kombëtar për Siguri i SHBA’ve të reagojë duke e quajtur si një ditë historike nënshkrimin e kësaj marrëveshje.