Zaevi premtim të madh për Shkupin, ja çfarë është projekti mbi 100 milionë euro

Kryeministri Zoran Zaev nuk ka të ndalur me premtimet e tij, pasi që kanë ngelur edhe pak muaj nga qeverisja e tij. Ai sot tha se Qeveria ka hartuar projektin për tramvaj në Shkup. E kjo sipas tij, do të ndikojë edhe në uljen e nivelit të ndotjes. Zaev paralajmëroi tramvaj elektrik me vlerë të projektuar rreth 100 milion euro.

“Qëllimi i Qeverisë është të tërheq kredi në vitin 2020, kurse procedurën e ka filluar tashmë me qëllim që tenderimi të përfundojë gjatë stinës së dimrit dhe Qyteti i Shkupit të mund të hyjë në implementimin dhe realizimin e projektit për tramvaj elektrikë. Shpresojmë që këtë ta bëjmë nga Van Holl që i prodhon këtu” tha Zaev.