Më në fund, ish-Zonja e Parë e Shteteve të Bashkuara, Michelle Obama, në intervistën e parë të dhënë që nga largimi nga Shtëpia e Bardhë, ka zbuluar se çfarë i kishte dhënë Melania Trump para inaugurimit të Donald Trumpit.
Ajo ka bërë të ditur se Zonja e Parë aktuale amerikane i kishte dhuruar një kornizë fotografish.
“Ka qenë një kornizë e bukur”, ka treguar Michelle Obama në emisionin “The Ellen Show”.
Në pritjen e Donald Trumpit dhe të bashkëshortes së tij, nga Barack dhe Michelle Obama, ishte diskutuar shumë në media sjellja e Trumpit, duke mos e pritur gruan e tij, që e kishte lënë mbrapa me kutinë e dhuratës, të cilën kishte për t’ia dhuruar Michelles.
Kjo dhuratë ishte diskutuar shumë, sepse nuk dihej se çfarë kishte pasur brenda saj.
