Deputeti i Lëvizjes BESA, Fadil Zendeli ka theksuar se lideri i partisë së tyre ka ftesë nga kryeministri shqiptar Edi Rama, por sipas tij, përveç BDI-së askush tjetër s’ka nevoj për një takim të tillë.
“Kemi ftesë nga kryeministri i Shqipërisë për takimin e nesërm. Kryesia qendrore vendosi që ne jemi të gatshëm të bashkëpunojmë me Republikën e Shqipërisë dhe kryeministrin Rama, por si parti politike Lëvizja BESA nuk jemi gati të ulemi në të njëjtën tryezë me BDI-në.
BDI-së në këtë moment i duhet një takim në Tiranë. Nuk shohim që dikush tjetër ka nevojë për një takim të tillë. BDI ka interes për një takim të tillë siç e ka keqpërdorur në vitin 2017 për qëllimet e veta.
Sa herë që kanë problemet e tyre të brendshme me kundërshtarët e tyre të brendshëm, (BDI) kërkojnë ndihmë nga rajoni. Ne nuk shohim se duhet t’u vijmë në ndihmë tani”, deklaroi deputeti Zendeli.
