Me kërkesë të Prokurorisë Themelore Publike është marrë vendim për caktimin e masës së kujdesit dhe konfiskimin e pasaportës të Dr.Zhan Mitrevit për shkak të rrezikut të arratisjes, përcjell INA.
Prokuroria Themelore Publike Shkup ka njoftuar se është lëshuar urdhër për zhvillimin e procedurës hetimore ndaj personit për të cilin dyshohet se ka kryer një vepër penale – Mashtrim sipas nenit 247 të kodit penal.
I dyshuari, siç njofton Prokuroria Publike, në periudhën nga prilli i vitit 2020 deri në vitin 2022, si person juridik-institucion shëndetësor privat për të përfituar përfitime pasurore të kundërligjshme, me paraqitje të rrejshme të fakteve, ka mashtruar pacientët e trajtuar për Covid-19. me metodën e hemofiltrimit.
Prokurori publik kompetent, duke marrë parasysh rrethanat, në Gjykatën Themelore Penale Shkup ka dorëzuar propozim për caktimin e masës për sigurimin e të dyshuarit – konfiskim të pasaportës dhe masën e kujdesit.
Prokuroria më 18 korrik të këtij viti ngriti një rast pasi IRL publikoi një studim për punën e spitalit klinik “Zhan Mitrev” dhe mjekut Zhan Mitrev.
