Zvicra ka konfirmuar viktimën e parë të koronavirusit në këtë shtet, gjatë ditës së sotme. Këtë e ka bërë të ditur Zyra Federale e Shëndetit Publik, të cilët kanë theksuar se rasti i parë i koronavirusit u shënua edhe në këtë vend të Europës.
Siç raporton televizioni zviceran RTS, autoritetet në Ticino, në kufi me Italinë, kanë konfirmuar se rasti kishte ndodhur në rajonin e tyre.
Ky virus vdekjeprurës, deri më tani ka shënuar më shumë se 2 mijë e 600 njerëz të vdekur, shumica prej tyre në Kinë, ndërkohë që është përhapur edhe në rreth 30 vende të tjera.
Numri i të infektuarve nga koronavirusi deri më sot është rritur në 80 mijë e 114.
Ndërkohë që përhapja më e madhe në Europë, është duke ndodhur në Itali, ku për më pak se tre ditë janë shënuar shtatë viktima dhe rreth 260 persona kanë mbetur të infektuar.
Një shqetësim i madh sa i përket këtij virusi, është shkaktuar edhe në Kosovë, pasi që vetëm në këto dy ditët e fundit është raportuar për pesë raste të dyshuara, ku dy prej tyre kanë rezultuar të jenë negative, ndërkaq për tre raste të tjera pritet që të dalin rezultatet në vijim.