Përveç se u rritën jetimë, dy vëllezërit nga Prizreni, që deri më tani kanë jetuar në një shtëpi e cila ishte gati të rrënohej, ballafaqoheshin edhe me kushte tepër të vështira për jetë.
Por, që nga sot Shoqata Humanitare “Jetimat e Ballkanit”, në kuadër të aktiviteteve të saj, ka arritur që t’i grumbullojë paratë për ndërtimin e shtëpisë për këta dy jetimë.
Karvanit të ndihmave për ndërtimin e këtij objekti i janë bashkangjitur kompani të ndryshme dhe individë.
Derisa babai iu kishte vdekur para 13 viteve, nëna kishte ndërruar 2 vjet më pasë, duke bërë kështu që këta dy fëmijë të rriten në kushte të vështira./Telegrafi
