Një grua e moshuar është gjetur e vdekur në shtëpinë e saj, pasi priti për katër orë që të vinte ambulanca.
Mjekët erdhën tri orë e 45 minuta me vonesë, pasi 81-vjeçarja thirri ambulancën duke u ankuar për një dhimbje në qafë.
Ekipit të mjekëve iu desh që ta thyenin derën në shtëpinë e saj në Clacton, Essex, Angli, pasi ajo nuk u përgjigj.
Përgjegjësit e ambulancës thanë se nuk mund ta dërgonin automjetin më shpejt, për shkak të “kërkesës së madhe” në shërbim dhe vonesave në njësitë emergjente.