Në PD ende nuk pranohet realiteti i humbjes së zgjedhjeve dhe besohet se ndryshimi do të ndodhë. E para që ka reaguar nga kjo forcë këtë të hënë të një fitoreje të PS-së, të paktën sipas rezultateve të deritanishme, është Jorida Tabaku.
Pasi nga PS u shpall fitorja në Njësinë 10, ajo tha se në këtë njësi është rezultati më i mirë për Partinë Demokratike.
“Falenderoj të gjithë qytetarët e Shqipërisë, vecanërisht të Tiranës që morën pjesë masivisht në zgjedhje. Tirana po i prin ndryshimit.
Rezultatet që erdhën nga dega 10 në Tiranë me votimin elektronik janë të jashtëzankonshme. PD është rritur me 30%, ka një rritje me 1200 vota, ndërkohë që PS me 200. Unë ftoj numëruesit të vijojnë të numërojnë me vendosmëri. Rezultatet në cdo kuti po tregojnë pikërisht këtë trend”, tha ajo.
