Mendoj se shumë gjëra janë më të qarta, përgëzoj koalicionin e ri të Aleks Beçiqit dhe Milo Gjukanoviqit, shpresoj që shpejt të bien dakord për një qeveri të re, tha Dritan Abazoviq pas shkarkimit të qeverisë malazeze.
“Ne jemi të gatshëm të dorëzojmë kompetencat. Kjo është qeveria më gjithëpërfshirëse që ka ekzistuar ndonjëherë, ata nuk kanë pasur qëndrim revanshist ndaj askujt. Unë do të doja që çdo e ardhshme të ishte e tillë”, tha Abazoviq në një konferencë për shtyp në Parlamentin e Malit të Zi.
Ai tha se i vjen keq që krimi i organizuar ende përdor tentakulat për të menaxhuar marrëdhëniet politike, raporton rtcg.
“Unë jam krenar për gjithçka që kemi bërë në 100 ditë. Ne do të kujtohemi si qeveria më jetëshkurte. Ne do të bëjmë gjithçka që qeveria që do të formohet pas zgjedhjeve ta dërgojë Malin e Zi në BE”, tha Abazoviq.
Ai tha se URA nuk do të marrë pjesë në Qeveri nëse formohet para zgjedhjeve.
“Ky është qëndrimi i SNP-së, siç e kuptoj unë, ne kemi ndenjur shumë në tavolinë, kemi formuar dy qeveri, është logjike që dikush tjetër të marrë iniciativën. Le ta bëjnë Beçiq, Gjukanoviq dhe Shehoviq shumicën e re”, deklaroi Abazoviq.
Ndryshe, 50 prej 51 deputetëve përr shkarkimin e qerverisë malazeze ndërsa një votë ishte kundër.
Përveç kërkuesve të mocionit të sotëm të mosbesimit (DPS, SD, SDP, LP, DUA), për rënien e Qeverisë votuan edhe deputetët e Partisë Demokrate, Partisë Boshnjake, Prave i Ujedinjene Crne Gore.
