Kryetari i Bashkimit Demokratik për Integrim, Ali Ahmeti në Zajaz ka shfrytëzuar siç thotë të drejtën demokratike të votës për të lënë gjurmë kontributi në trasimin e së ardhmes europiane.
Ahmeti thotë se duke votuar mund të vulosim njëherë e përgjithmonë orientimin euro-atlantik dhe siç thotë, t’i themi JO Rusisë, PO Europës!
“Me votën tonë kemi shansin historik të vulosim njëherë e përgjithmonë orientimin tonë euro-amerikan, t’i themi JO Rusisë, PO Europës! Andaj, ju ftoj të gjithëve që të votoni për fitoren e madhe të kauzës sonë europiane! Uroj proces të mbarë zgjedhor, në frymë plotësisht demokratike dhe europiane!” ka shkruar Ahmeti.
