Hasanbegu përveç dëmeve të shkaktuara dhe tragjedinë që përjetoi pas vërshimeve të mëdha para më shume se mjë muaj, ku pati dhe shumë viktima, ajo tani po përjeton edhe një ankth dhe frikë nga tërmetet e shkaktuara ditëve të fundit në këtë zonë, raporton InfoShqip.com.
”Shumë shtëpi janë të dëmtuara dhe gati janë pranë rrëzimit. Kurban Bajramin e kemi pritur jashtë shtëpive tona, nga frika se mos na bie kulmi i shtëpisë mbi kokë, kemi përjetuar tmerrin e vërtetë nga vërshimet ku humbëm dhe të afërmit tanë, kurse tani po përjetojmë edhe një tmerr tjetër dhe ankth të madh nga frika se mos shkaktohet edhe një tragjedi e re në Hasanbeg.Kërkojmë nga qeveria që të na transferoj diku tjetër deri sa të ndalen tërmetet, ka shumë shtëpi të vjetra dhe gati mezi qëndrojnë, mos të presim të ndodh më e keqja dhe pastaj të reagojnë”, shprehen të shqetësuar për portalin InfoShqip, banorët e Hasanbegut.
