Solidariteti dhe bashkëpunimi në kohën e krizës energjetike, përgatitjet për sezonin e ardhshëm të dimrit, zbatimi i projekteve të përbashkëta në ndërtimin e infrastrukturës energjetike dhe forcimi i sigurisë energjetike rajonale janë detyra kyçe për të gjitha shtetet anëtare të nismës “Ballkani i Hapur”, ranë dakord dhe përfaqësuesit e Ministrisë së Minierave dhe Energjetikës së Serbisë, Ministrisë së infrastrukturës dhe energjisë së Shqipërisë dhe Ministrisë së Ekonomisë së Maqedonisë së Veriut në takimin e sotëm online, transmeton InfoShqip.
Në takim u diskutua edhe për përgatitjen e një plani të përbashkët rajonal të krizës, mundësitë për ruajtjen e energjisë, veçanërisht gazit, balancimin e energjisë elektrike, si dhe krijimin e një fondi të përbashkët për financimin e projekteve të ardhshme që janë të një rëndësie të madhe për të tre vendet.
Takimi është vazhdim i bisedimeve nga Tirana në fund të korrikut, kur ministrat e Shqipërisë dhe Maqedonisë së Veriut pranuan iniciativën e Ministres së Minierave dhe Energjetikës së Serbisë, Zorana Mihajloviç, për nevojën e formimit të një grupi të përbashkët pune për bashkëpunimi në krizën energjetike dhe në projektet strategjike në kuadër të “Ballkanit të Hapur”.
Ministria e Minierave dhe Energjisë u ra dakord për realizimin e projekteve specifike si ndërtimi i kapaciteteve të reja energjetike duke përdorur burime të rinovueshme, si dhe ndërlidhjet dhe kapacitetet e gazit në terminalin e ardhshëm të LNG-së në Shqipëri, më pas lidhja në rrjetin e tensionit të lartë, njoftoi Serbia./InfoShqip.com
