Zyrtari i lartë i Lëvizjes Besa, Adnan Azizi përmes një statusi në Facebook ka kërkuar zgjedhje të parakohshme parlamentare. Sipas Azizit mos-marrja e një date për fillim të negociatave de-legjitimon pushtetin, andaj zgjedhjet e parakohshme janë të domosdoshme.
“Data, integrimet,BE, procesi, na shurdhuan me parulla boshe, ndërsa në të vërtetë gjithçka e kanë për të mbrojtur pushtetin dhe të zhvatin deri në momentin e fundit.
Datë s’ka – Qeveria u de-legjitimua, prandaj zgjedhje të parakohshme një ditë e më parë, ndryshe këta vetëm se mund të na çojnë në humnerë”, ka shkruar në Facebook, Adnan Azizi nga Lëvizja BESA.
