I ftuar special në emisionin ZIGZAG kryetari i porsazgjedhur i Lëvizjes BESA, Afrim Gashi, është shprehur se janë në kontakt të vazhdueshëm me kryeministrin Zoran Zaev.
Më tej duke e shpjeguar kyçjen eventuale në qeveri ai ka thënë se ndodhemi në momente shumë të rëndësishme për shtetin ku pritet të zgjidhet kontesti me emrin e shtetit dhe integrimi në NATO, andaj jemi të hapur që ta mbështesim dhe ndihmojmë këtë proces.
Në pyetjen se a do të hyjë Lëvizja BESA në qeveri, kryetari i Lëvizjes BESA u shpreh se kjo nuk përjashtohet, por vendimin e fundit e merr Kuvendi Qendror i Lëvizjes.
