Juventus është në kërkim të një trajneri të ri pas largimit të Massimiliano Allegrit. Emrat që qarkullojnë në mediat italiane, por dhe ata ndërkombëtare janë të shumtë, por ende nuk ka asnjë tratativë konkrete, të paktën kështu kanë thënë në ditët e fundit drejtuesit e ekipit torinez.
Një zhvillim interesant po ndodh së fundmi në Milano. Drejtori sportiv i “Zonjës së Vjetër”, Fabio Paratici është parë duke hyrë në “Palazzo Parigi Hotel”. Deri këtu nuk ka asgjë të pazakonte, por fakti që në të ndodhet edhe trajneri Pep Guardiola e bën edhe më intriguese situatën
Strategu spanjoll ka mohuar se do të largohet nga Manchester City, por fotoja e shpërndarë së fundmi nga mediat italiane, ka ndezur edhe më shumë zërat, që e lidhin me një transferim të mundshëm te kampionët e Italisë për të bërë realitet ëndrrën e tyre.
