Presidenti serb Aleksandar Vuçiq dhe bashkëpunëtorët e tij duket se kanë më shumë frikë nga integrimi evropian sesa nga izolimi evropian, të cilit mund ta ekspozojnë Serbinë, nëse vazhdojnë politikën e tyre aktuale, tha për FoNet komentatori i politikës së jashtme Boshko Jakshiq, transmeton InfoShqip.
Në serinë e bisedimeve të Agremanit për politikën e jashtme, Jakshiq paralajmëroi se një numër i madh i qytetarëve serbë nuk e kuptojnë rrezikun që kërcënon të ardhmen e tyre.
Ai beson se integrimi evropian i Serbisë është shfuqizuar, ose për shkak të mungesës së një politike të zgjerimit brenda Bashkimit Evropian (BE), “i cili është në rrugë pa krye”, ose për shkak të rritjes së madhe dhe të dukshme të euroskepticizmit në të gjithë Serbinë.
Ai proces duhet të vendoset në respirator, por duket se nuk ka një pajisje të tillë as në Bruksel e as në Beograd dhe hapësira në mes është e mbushur me një sasi të madhe frazash të bukura, tha Jakshiq.
Duke theksuar se ka shumë arsye për të kritikuar sjelljen e BE-së ndaj Serbisë, ai vlerësoi se ajo që po bëjnë autoritetet në Beograd për Rusinë, Kosovën, rajonin apo mediat tregojnë se rruga evropiane ekziston vetëm si një vijë e tërhequr në harta gjeografike që Vuçiq e mban diku në kabinetin e tij.
“Është përdorur pak, duke përfshirë instrumente të ndryshme në dispozicion të BE-së, si stimujt ose presionet monetare“, tha Jaksiç.
Sipas tij, “mund të thuhet se BE-ja përshtatet në mënyrë të përkryer me atë që u përshtatet protagonistëve kryesorë të konfliktit që janë ulur në Beograd dhe Prishtinë, dhe kjo është status quo”– tha ai./InfoShqip.com
