Parlamentarja Dr.Ravza KAVAKCI KAN dhe deputetja në Stamboll për partinë AK u shpreh në profilin e saj në twitter në lidhje me akuzat e Draghit se i dënon fort këto akuza “Z. Draghi! Dënoj fuqishëm akuzat tuaja drejtuara presidentit tëonë, i cili është zgjedhur me dëshirën e plotë të popullit. Këshilloj çdo kënd që dëshiron të dijë më shumë në lidhje me diktaturat t’i rikthehet historisë së vetë”
Ayşe Keşir, Kryetarja e Forumit të Gruas të partisë AKP tha se nëse kryeministri italian është në kërkim të ndonjë diktatori atëherë le ta lexojë mirë historinë e vendit të vetë.
Ndërsa Ministri i Jashtëm Mevlüt Çavuşoğlu tha “Dënojmë ashpër akuzat e shëmtuara të Draghit karshi presidentit tonë dhe ja kthejmë mbrapsht po të njëjtat.”
Numan KURTULMUŞ zëvëndës kryetari i partisë AKP gjithashtu dënoi akuzat duke iu drejtuar vetë kryeministrit Mario Draghi: “Z. Draghi, ne nuk jemi diktatorë! Nëse dëshironi të shikoni një diktator atëherë kërkoni në historinë tuaj! Kërkoni për Mussolinin!
Kryetari Asanblesë Parlamentare turke për Këshillin Europian Akif Cagatay Kilic po në twitter u shpreh se:
“Më vjen keq për fjalët që lëshoi nga goja Draghi kundër presidentit tonë. I rikujtoj atij se presidenti ynë e ka merituar pozitën e tij falë dëshirës unanime të vetë popullit turk sipas zgjedhjeve demokratike.”
Deri më tani nuk ka asnjë cicërim nga kryetarët e dy partive kryesore opozitare Devlet Bahçeli (MHP) dhe nga Kemal Kılıçdaroğlu (CHP). As vetë Erdogani nuk është shprehur ende mirëpo Ministri Jashtëm turk Mevlüt Çavuşoğlu ka deklaruar se e ka ftuar ambasadorin italian Massimo Gaiani, në mision në Turqi që nga viti 2019, për “të dhënë hesap” në lidhje me deklaratat në fjalë.
