Presidenti i Shteteve të Bashkuara deklaroi në takimin me Presidentin e Izraelit se qëndrimi i tij ndaj veprimtarisë iraniane do të mbetet i fortë dhe se ai nuk do të tolerojë Iranin bërthamor, transmeton InfoShqip.
Ai deklaroi se ai urdhëroi sulme ajrore dje, të cilat kishin në shënjestër objektet që ushtria amerikane tha se po përdoren nga milicët e mbështetur nga Irani pranë kufirit midis Irakut dhe Sirisë. Retorika e tillë tregon se qëndrimi i tij ndaj veprimtarisë iraniane do të mbetet i fortë, sipas Associated Press.
“Unë mund t’ju them se Irani nuk do të furnizohet kurrë me armë bërthamore ndërsa unë jam në detyrë,” i tha Biden mbrëmë Presidentit Izraelit Reuven Rivlin.
Rivlin, i cili priti një vizitë lamtumire në Shtetet e Bashkuara ndërsa mandati i tij presidencial skadon shpejt, shprehu kënaqësinë me deklaratën e Biden. Ish Presidenti i SHBA Donald Trump u tërhoq nga marrëveshja bërthamore e fuqive të mëdha me Iranin, me mbështetjen e Kryeministrit të atëhershëm të Izraelit Benjamin Netanyahu, në 2018, tre vjet pasi ishte përmbyllur.
“Izraeli nuk ka mik më të madh se Shtetet e Bashkuara”
Administrata e Bajdenit, megjithatë, po kërkon të ri-hyjë në marrëveshje. Kryeministri i ri i Izraelit, Naftali Bennett, ashtu si Netanyahu, është kundër marrëveshjes, për të cilën Izraeli pretendon se vazhdon të lejojë Teheranin të zhvillojë armë bërthamore dhe raketa balistike ndërsa mbështet organizatat e tij ekstremiste aleate jashtë vendit.
Ministri i ri i Jashtëm i Izraelit, Jair Lapid, premtoi se keqkuptimet do të diskutoheshin pas dyerve të mbyllura, ndryshe nga Netanyahu, i cili ishte i gatshëm të shprehte publikisht mosmarrëveshjet e tij me administratën amerikane.
Në fillim të takimit, Rivlin vlerësoi se Izraeli nuk ka mik më të madh se Shtetet e Bashkuara, në një përpjekje për të ulur seriozitetin e çdo keqkuptimi në lidhje me Iranin, ndër të tjera, transmeton InfoShqip.
“Ne, në përputhje me miqësinë e vërtetë, diskutojmë gjëra kohë pas kohe dhe madje biem dakord që të mos biem dakord për gjithçka. Por ne po mbështetemi tek ju dhe deklarata juaj tani ka ndikuar që izraelitët të kuptojnë me të vërtetë se ne kemi një mik të shkëlqyeshëm në Shtëpinë e Bardhë” – tha Rivlin.
Ai më vonë u përsëriti gazetarëve se “Biden është me të vërtetë një mik i madh i Izraelit” dhe se ai po u përgjigjej kërkesave të vendit për t’i kushtuar vëmendje gjithçkaje që lidhet me marrëveshjen që po përfundohet me Iranin.
Mandati shtatë-vjeçar i cili skadon më 7 korrik, kur ai do të zëvendësohet nga Isaac Herzog, një ish-deputet i cili deri para pak kohësh drejtoi Agjencinë Çifute, organizata më e madhe hebraike jofitimprurëse në botë./InfoShqip.com
